اب بھی توہینِ اطاعت نہیں ہوگی ہم سے
دل نہیں ہوگا تو بیعت نہیں ہوگی ہم سے
افتخار عارف
جو یار کا منشا ہے شایان اطاعت ہے
اپنا یہی مذہب ہے اپنی یہی ملت ہے
کامل شطاری
ستم گروں کی اطاعت قبول کرتا ہے
جدید دور کا انساں بھی بھول کرتا ہے
ریاض حنفی
جس دل میں صبر، ضبط، اطاعت، وفا نہیں
وہ گھر ہے جو مکین کے لائق بنا نہیں
ایسا مرض نہیں کوئی جس کی شفا نہیں
درماں ہی وجہِ درد اگر ہو دوا نہیں
@عاطف
پیروی مرشد کی ہو جاتی ہے منزل کی طرف
فرض ہے اہل عقیدت پر اطاعت پیر کی
غلام رسول نائبؔ