اس دھاگے میں ہر سوال صرف تین اشاروں پر مشتمل ہو گا۔ سوال پُوچھتے وقت پہلے یہ ضرور بتا دیجیے کہ اشارے شخصیت، کردار، عمارت، شہر، ملک، کتاب، فلم، تاریخی واقعہ، ایجاد، جانور یا کسی اور چیز سے متعلق ہیں۔
ہر سوال کو ایک نمبر دیجیے تاکہ جواب دیتے وقت آسانی رہے۔
اگر کسی سوال کے تین اشارے کافی نہ ہوں تو اراکین اضافی اشارے طلب کر سکتے ہیں۔
اضافی اشاروں کی کوئی مقررہ حد نہیں؛ سوال پوچھنے والا ضرورت کے مطابق مزید سراغ دے سکتا ہے، البتہ کوشش یہی رہے کہ جواب کا لطف برقرار رہے۔ نیا سوال پوچھنے کے لیے کسی باری کا انتظار ضروری نہیں۔ جس رکن کے ذہن میں سوال آئے، وہ اگلا نمبر لگا کر اپنا سوال پیش کر سکتا ہے چاہے پچھلے سوال کا جواب اب تک نہ آیا ہو۔ جواب بھی کسی ترتیب کے پابند نہیں۔ ضروری نہیں کہ پہلے سوال نمبر 1، پھر 2 اور پھر 3 کا جواب دیا جائے۔ جس سوال کا جواب معلوم ہو، اسی کا نمبر لکھ کر جواب دے دیجیے۔ جواب کو متفق کی درجہ بندی دیے جانے کا مطلب یہی لیا جائے گا کہ جواب درست ہے۔
نوٹ:
اس کھیل سے متعلق ایک الگ دھاگہ بھی بنا دیا گیا ہے جہاں اگر کسی سوال کے حوالے سے کوئی ابہام ہو، تصحیح مطلوب ہو، اضافی گفتگو کا ارادہ ہو یا طریقۂ کار سے متعلق بات کرنی ہو تو وہاں کی جا سکتی ہے۔